lørdag 28. juli 2012

Garnpakke frå junaiten

Endeleg kom garnet eg lot meg frista av sånn i starten av mai. Verdt å venta på. Litt min eigen feil at det tok så lang tid, eg ville nemleg venta på det eine garnet dei var tom for på lager. Kunne strengt tatt valgt å få det i to sendingar eller droppa det sokkegarnet dei var tom for, men neeeeei. Måtte bare ha det, og det var jo slett inga hast. Har jo to-tre (hundre) andre nøster eg kan strikka av enn så lenge...




Sendinga kom frå Webs  http://www.yarn.com  - min absolutte favoritt når det gjeld nettbutikkar. Ingen over, ingen ved siden... Større utvalg skal du leita lenge etter, og dei er veldig flinke med å frista meg i sine nyhetsbrev som dukkar opp i inboxen med jamne mellomrom. Lett å orientera seg på sida, og dei har gode bilder av garnet - superviktig!


Herlige hesplar som eg trur må bli ein kjole til minstejenta - var desse eg bare ikkje kunne la vera å bestilla. Dei var jo tross alt på salg...
Og sokkegarn i herlige haustfargar - multifarga lar eg meg lett frista av...





Har igjen vore på Martabu i dag, kjempekoselig. Lite salg på håndarbeid - men bra på brød og boller og spekemat. Lokalavisa har vore der og i dag, så me håpar at eit oppslag i neste veke skal gjera susen. I tillegg er det Festidalen (musikkfestival) her neste helg, og det kan jo dra litt folk. Nesten så me skal håpa på kaldt ver så me får solgt sokkar og skjerf:)

Nå blir det strikking resten av kvelden - sjølv om fornuften rope at eg burde funne vaskebøtta...

fredag 27. juli 2012

Klut og knapp!

Sjå kva som skjulte seg inni dei tre brune konvoluttane som kom frå Asia her om dagen! Herlige, herlege knappar, både i plast og tre. Kan ikkje visa alle for seg, men sjekk den haugen da! Trur eg må sjå meg om etter eit lite skrin å ha dei i, i alle fall dei eg har fleire av. Kan jo ikkje driva endevenda to store norgesglas kvar gong eg trenge tre knappar som er like! Kanskje sånne små skrin til skruar som dei har på Europris hadde vore ein idè...



Som om eg ikkje hadde bestilt meg nok knappar, så kom det jammen ein liten haug frå Fru. Myklebust! Herligt! Ser for meg kva eg kan bruka dei til, kva garn dei vil gå godt i lag med, og den eine er alt bortlova til ein liten babytopp.




Og så komme Lene, snille damen, med ein skikkelig godbit av ein "byblom" etter at ho hadde vore i Bergen. Stor pose med mix av knappar, var det bestemormix ho kalla det tru? Og her var det mykje lekkert, og mange dtevar 5-6 like av.
Maen kom heim når eg hadde spredd herligdommen ut over kjøkkenbordet, og han rista på hovudet og seie så fint:" Er det ikkje garn så er det knappar! Kjeme aldri til å få bruk for alt dette.."
Men joda, det har eg jammen store planar om!



Kluten eg hadde på pinnane når eg var sjuk er ferdig og skal pakkast klar til Martabu i dag. Garnet eg brukte her var eit Tilda-garn med blanding av bomull og akryl, og eg har ikkje den fjernaste anelse om kor eg har fått det i frå.
På pinanne har eg nå raggsokkar, påfyllingsforsøk til Martabu, sidan det har gått med så mykje sokkar og tøfler i det siste!



onsdag 25. juli 2012

Knappepakke og omganssjuka

Dei siste to dagane har strikketøyet fått vore heilt i fred omtrent. Det lengste det kom var opp i fanget, men meir blei det ikkje. Har vore så velsigna og hatt ein runde med omgangssjuke. Å fytti katta, ikkje mykje som er verre. Takka meg til både influensa, bihulebetennelse og tannverk, då orkar eg i alle fall strikka litt! Desse dagane har eg enten sjekka innsida av doskåla, eller inntatt fosterstilling på sofaen.  Heldigvis ein god del bedre i dag, så nå skal pinnane fram igjen!



Kom sånne kjekke, små konvoluttar i posten i går. Merkeleg nok så var dei sendt rekomandert, det skulle ein tru var unødvendig for nokre plastknappar?


Dette er resultatet etter ein sein kveld innom e-bay og knappeavdelinga. Så enormt masse fint, og ekstremt rimelig. Og passar ein på å velgja dei som har gratis forsendelse, så helde den prisen seg låg til tross for at knappane kjem både frå Tokyo og Shanghai. Knappar som ein normalt må betala både 10 og 15 kroner for her, kostar rundt 50 øre for. Slikt kan ein lika.



Ikkje så lett så skjønna kva som står på pakkseddelen, han jobba litt han i postskranken gitt..





Dei forrige knappane eg fekk har fått plass i eit stort norgesglas, og ein kan bli i godt humør av mindre. Fin pynt som eg gjerne kviler augene på!

tirsdag 24. juli 2012

Mjuke booties

Så var endeleg knappane komt i desse søte, små babyskoa. Strikka ein kjole her for ei tid sidan i Baby Alpaca Silk, og ho som hadde bestilt den ville også ha sånne booties med.



Først strikka eg rundt på settpinnar i staden for å laga klaffen med knappar, men dåke kan jo sjå kor horribelt stygt det vart i overgangane frå pinne til pinne. Ikkje klarte eg å retta det med å stramma tråden ekstra heller, så då var det bare å rekka opp. Kan jo ikkje gå frå eit arbeid sånn!



Så med ny frisk starta eg på igjen, og resultatet blei ganske bra. Fekk hjelp til den fine heklekanten av Linda, tusen takk! (Eg må seriøst læra meg å hekla, prompte!) Og heklekanten gjer at bootiesane på ein måte kan regulerast i vidden, dei kan knappast både i knapphola og i heklebuane.

Oppskrifta er ein avart av Stay-on Baby Booties som du kan finna her: http://www.ravelry.com/patterns/library/stay-on-baby-booties-archive

Garnet er Baby Alpaca Silk frå Drops. Eit grådig mjukt og godt garn, men gir eit litt ujamt resultat. Ein kan med fordel gå ned ein pinnestørrelse dersom ein strikkar laust!
Garnet kjem i nydelige fargenyansar og hårar mykje mindre enn vanleg alpakka.


søndag 22. juli 2012

Ein vest til besvær

Nå trur eg snart at den såkalla enkle vesten frå pickles.no kjem til å gi meg grå hår.
http://www.pickles.no/enkel-vest/
Så kjapt og greit babyutgaven gjekk, men nå når eg ville strikka den større så har det nærmast blitt et evighetsprosjekt!
Skreiv jo i sist blogg at eg mangla 3-4 omgangar før avfelling når eg gjekk tom for tråd. Rakk opp heile og starta på ny, i ein litt mindre størrelse. Og eg har strikka så pinanne har gått varme, og sånn litt over 1 i natt så var eg ferdig.





 Strikka heilt etter oppskriften, trådane var festa og eg skulle sy i knappane. Men, så var eg slett ikkje fornøyd. Fasongen blei jo så annleis enn på den minste størrelsen. Nå var plutselig det rillestrikka bærestykke så dominerande, og gav slett ikkje den elegante fasongen som eg hadde sett for meg. Og den nederste knappen blei for langt nere, såg ut som den hadde sklidd ein etasje for langt..


Trådane var veeeldig godt festa

Så ka gjere Jane då? Joooo, hu rekke opp - på ny. Og jammen hadde eg festa trådane grundig gitt, ikkje snakk om at dei hadde rakna opp av seg sjølv. Rekte opp heilt ner til første felling, og starta på ny frisk. Trur klokka var sånn omtrent kvart på to, men då var eg så irritert på den hersens vesten at eg skulle i alle fall ikkje gi meg på tap å gå å legga meg uten at den var ferdig.

I oppskrifta stod det at ein skulle strikka 9 pinnar mellom kvar felling, noko eg reduserte til 3, og i tillegg droppa eg den siste fellinga før avfelling. Nå blei det ein nettare vest, knappane ser ut som dei er der dei skal og eg kunne fornøyd gå å legga meg rett før 03 i natt.



Blei eit mykje betre resultat med eit kortare rillestrikka stykke, Garnet er Andes frå Drops - pinne 6


Forresten veldig fornøyd med desse lekre knappane eg brukte til vesten. Kan faktisk ikkje huska om dette var e-bay-knappar eller nokon eg fann på epla. Men trur det var e-bay... Visste forresten ikkje før i starten av denne veka at epla også hadde ein avdeling for materiell der det var veldig masse fine knappar... ja da, det blei et par små kjøp, men ikkje meir enn ein 20 knappar totalt.

fredag 20. juli 2012

Må eg verkeleg rekka opp?

Nesten ferdig med vest nummer to i Andes frå Drops. Tenkte at eg skulle få brukt opp dette garnet som har lege i eit par år nå, og vesten var perfekt for oppdraget. Til den minste størrelsen, 1 år, så brukte eg litt over eitt nøste, og tenkte at eg hadde meir enn nok med nesten tre nøster til største størrelsen som er 7-8 år. Der tok eg jammen feil. Har strikka og strikka, og har tre rundar igjen før avfelling, og så er det søren meg tomt for garn.




Har prøvd ulike strikkeforum for å spora opp om nokon hadde ein rest liggande, men responsen har uteblitt. Grr... Ka gjer eg nå da? Juksar det til med ein anan farge i halsen? Nei, juksing er ikkje for meg.. Må eg verkeleg rekka opp fleire dagar med strikking, nå når eg i tillegg er på etterskudd grunna et veldig ubeleielig strikkeforbud?
Gruble gruble... går snart varmt under topplokket...




Nei, eg MÅ gjera ting skikkelig - opprekking in progress..... Blei eit himla digert nøste av dette, men det var nok det rette å gjera. Sjølv om det sitte laaangt inne å rekka opp et nesten ferdig plagg. Men irritasjonen over å ikkje få det etter oppskrifta i halsen var sterkare enn sorgen over å måtta la mange timars strikking gå til spille.
Så då var det på`an igjen.. Håpar den kan bli ferdig i løpet av ei laaang strikkeøkt i kveld.





Heldigvis så kom det litt trøst i posten i går. Oppskrifter og garn frå Danmark. Ein herlig nettbutikk som eg tilfeldigvis snubla over. http://www.butikparadiset-shop.dk/
Fekk nemlig eit lite oppskriftshefte frå Danmark når Monica kom frå ferie, og inni her var det utruleg mykje fint. Søkte på forfattaren og kom då fram til denne butikken som hadde eit stort utvalg av oppskriftsbøker.




 Kunne ikkje bla inni bøkene på nettsida, så eg var spent når pakken kom. Boka av Susie Haumann "All you knit is love" var et høgdepunkt, utruleg mange flotte og enkle oppskrifter til barn. Denne dama kjem eg garantert til å kjøpa meir av.
Resten av pakken skuffa heller ikkje, er spesielt spent på garnet frå Isager med hamp og ramie. Måtte bare ha det pga fargen, og så er det jo ikkje tidligare utprøvd!





Så ein takk til alle som kikkar innom skribleriene mine, kjekt å sjå at besøksteljaren tikkar oppover. Del gjerne sida på fb! Vil du følgja bloggen min finn du dette i høgre marg!

torsdag 19. juli 2012

Opning av Martabu

Søndag var første dagen Martabu var åpen for i sommar. Martabu, som er den gamle butikken på kaien i Uskedalen, har blitt rydda og fiksa opp, og er nå ein kombinasjon av kafè, turistinformasjon og salgsplass for brukskunst!




Butikken var open nokre laurdagar i november og desember, og var fyllt til randen av kortreist mat, trearbeider og strikk. Heimelaga bakst og nykokt kaffi var heller ikkje feil i kulden, og salget gjekk for dei fleste strålande. 10% av salgssummen gjekk til Aktivitetshuset i bygda, eit godt tilbod som dei fleste har ei eller anna tilknytning til.








Når Morten Nilsen for eit par veker sidan ringte og lurte på om eg var interessert i å ha nokre av tinga mine for salg her, og om eg også kunne hjelpa til med å vera butikkdama nokre timar, så var eg sjølvsagt ikkje vond å be. Synes det er kjekt å ha ein slik salgsarena utanom dei typiske julemessene som har ein tendens til å hopa seg opp då rett før jul.
Morten og familien har lagt ned ein fomidabel innsats på å fiksa opp Martabu, reve ein vegg for å gjera butikken større, slik som den var originalt, og malt både innvendig og utvendig. Resultatet er jo ein kjempekoselig kafe, idyllisk som få, heilt i sjøkanten. Meir rom Martabu og opniga kan du lesa på www.uskedalen.no.

























Opningsdagen gjekk i alle fall strålande, og varene som eg hadde hanka inn frå fleire sneller solgte veldig bra. (Takk til Zirkona, Monica, Lene og Linda for flotte varer. Kom gjerne med påfyll!)
Det havna til og med eit par vinvesker hos ein av dei tilsette på statsministerens kontor! Ikkje verst. Nysteikte brød og boller og kaffi gjekk også unna som, ja bokstavelig talt varmt hvetebrød, og eg trur detta kan bli ei kjempesuksess gjennom sommaren.
For dei som vil ta turen innom så er opningstidene Lørdag 10-15 og Søndag 9-16.





På strikkefronten så begynte denne veka ganske greit. Mandag var ein strålande dag, tysdag så våkna eg med ein høgreneve som var veldig stiv og vond. Tenkte nå at dette kom til å gå seg til, nåke det slett ikkje gjorde, så i går sløste eg vekk dagen med ein tur til Haukeland.
Stod opp og neven var fullstendig ute av drift, kunne hverken knytta eller strekka ut fingrane. Så det blei bytting av bleier på Madel ved hjelp av tennene, takk og pris at ho ikkje tissa samtidig, og Tor Ove måtte kommma heim for å hjelpa kle på meg. Veldig festlig i ein alder av 32 år og måtta ha hjelp til å knappa buksa og slikt.
Så det var jo bare å setta seg i bilen og kjøra til Bergen. Er så glad for at eg alltid kjem til på dagen når det er slik akutt. Etter 25 minutt og to sprøyter med kortison så kunne eg reisa heim med STRIKKEFORBUD!!! Krise. Var jo ikkje utelukkande strikking da, men eg må holda ledda i ro eit par dagar og avlasta armen. Så her sitte eg då, og seeer lengselsfullt bort på strikketøyet og tenke at i kveld er det nok gått et par dagar i følge mi tidsrekning. Trur ikkje han heilt vett ka han ba om med to dagars avlasting for armen nei...
Som ei lita trøst så var eg innom http://www.garnkurven.no/ og snopa nye rundpinnar i går kveld. Er jo vanlig med ein liten trøstepremie etter å ha vore hos lege/tannlege, så det syntes eg var heilt på sin plass. Kan anbefala denne sida på det varmaste, stort og godt pinneutvalg, gode prisar og ein av dei få butikkane som har ibenholtpinnar. Har du ikkje prøvd ibenholt så er det ein av tinga du absolutt må setta på lista over ting ein bør gjera før ein dør!











lørdag 14. juli 2012

Ein begynnande knappomani?

At eg lid av Ullemi er det ingen tvil om, men no trur eg jammen at ein knappomani også er i ferd med å utvikla seg. Og det er ein blogg som er skuld i det. Var ei som skreiv at ho hadde handla så masse rimelige knappar på e-bay, og dette måtte jo sjekkast ut. Så ein mørk og stormfull aften, når eg egentlig burde lege under dyna, så klikka eg meg inn på e-bay - buttons....



Ein kan bli "tilknappa" av mindre:)


Å himmel og hav, for et uendelig utvalg av knappar! Så masse fint, og ikkje minst rimelig. Kunne jo sete heila nattå. Det første som poppa opp var knappar i lausvekt, som eg ikkje klarte å motstå. Trur prisen var 16 dollar for dette lasset her, og det var ei eventyrferd å kikka gjennom.





Men for å gjera det litt enklare, kunne jo ikkje sjå gjennom alt, så begrensa eg søket til det som kunne kjøpast med ein gong utan auksjon, og gratis frakt. Likavel var det mange sider å mysa gjennom.
Bare litt av det har komt, ventar fortsatt på Hello Kitty knappar frå Shanghai og malte treknappar frå Hong Kong. Spennande veka eg går i møte på postfronten!




Men eg har då strikka litt og. Har jo prøvd å få bukt med desse bomullsgarnrestane, men på botn av strikkeveska låg to små bandittar. Eit nøste med mørkeblå Paris og eit trekvart nøste med mørkelilla bomull, som ikkje ville seia kva type garn det var. Sidan ingen av nøsta aleina var nok til ein klut, måtte eg prøva finna ein måte å få brukt dei på som ikkje laga ei så alt for skjemmande bakside. Løysinga vart rillestrikk med fargebyte på kvar rille. Då slapp eg trådfesting, og baksida blei ganske fin. Kanskje dette hadde vore ein idê for eit babyteppe. Rillestrikk i to duse pastellfargar? Ideen er notert på "to-do" lista mi...





I tillegg så har eg tutla i samen ein vest. Oppskrift frå Pickles http://www.pickles.no/enkel-vest/
og garn frå Drops. Mønsteret heiter Enkel vest, og den gjer slett ikkje skam på navnet sitt. Ingen montering eller masse trådfesting, og modellen er fin på.





 Strikka i Andes på pinne 5,5, men på neste utgåve, som alt er under produksjon, så har eg gått opp til pinne 6,5 for at den skal bli litt lausare i fisken. Knappane fekk eg med i ein treknappepakke som eg handla i hobbyklubben.

fredag 6. juli 2012

Ein mordar i gangen

I går hadde eg planen klar, men, det går jo aldri som eg har planlagt. Etter ein lang, varm dag var ungane nydusja og fôra, støvsugaren var trimma og minstejenta i seng. På veg ner trappa for å følga eldstejenta i seng, kvilte eg litt på mine husarbeidslauvbær, og såg fram til ein kveld med bare strikking og tedrikking med god samvittighet siden huset såg presentabelt ut.

MEN, vel nere, hva skuer mitt øye? Ein brun, slimete, ekkel, motbydelig, krekslig, kvalmande brunsnegle! Ein Arion vulgaris inne på MITT golv! Eg hadde mest lyst å legga meg ner på golvet å hyla, men så kom eg på at den ekle saken antagelig hadde krøpe rundt på det golvet. ÆÆÆSJ!




Det fins jo ikkje nåke eklare enn desse slimete mordersneglane, og eg hadde nå slett ikkje invitert den vemmelige saken innomhus! Så mi dyrebare strikketid blei nå bytta ut med eit par timar golvvask inkludert slimfjerning. For, den hadde jo hatt seg ein runde sjølsagt, med slimstripå si!
Antagelig har slimålen fått gratisturen inn på ei leikebøtta som blei tatt inn og satt på skohyllå. Og derfrå har han hatt seg ein sveiv over dei fleste skoå, så ned på golvet, og vidare bortover heila golvet og så har den ikkje orka meir og enda sine dagar under trappå. Der låg an nemlig, død og lettare innskrumpa. Håpar det var ein lidelsesfull død, for det var ein lidelse å få skrubba vekk det slimet den så raust hadde lagt i frå seg.

For den som har prøvd å vaska snegleslim veit at det ikkje nyttar med ein klut og grønsåpevatn nei. Etter tre rundar med langkost, filla og grønsåpevatn, var slimstripa like synleg og glatt den. Så då spraya eg heile golvet med ajax, masse ajax! Blanda nytt vaskevatn med klorin, og vaska, skrubba og vaska. Kan her legga til at utetemperaturen var sånn omtrent 25 grader.
Etter 9 rundar kunne eg endelig konkludera med at alle sneglespor var utrydda, og eg hadde brukt opp både all energi og strikketid. Så viss TV-aksjonen i år skal samla inn penger til å utrydda sneglar så skal eg gi meir enn eg har gitt tilsaman heile livet mitt!


Kjole og booties strikka i Baby Alpaca Silk frå Drops


Så jakken min har ikkje vokst meir på pinnane, den ligge der så fint og seie ingenting. Men babysettet som var bestilt har reist avgårde med Posten, og eg trur varianten på bootiesane med påfuglribb på leggen var ei bra løysing. Håpar i allefall mottakaren synes det. For sikkerhetsskyld så lage eg et par standar som eg kan ettersenda, viss sneglane helde seg vekke og eg kan få strikka litt i kveld!



mandag 2. juli 2012

Halvårsrekneskap i garnlageret

Sidan me nå er halvvegs i året, og det faktisk nærmar seg jul igjen, så har eg tatt ei aldri så lita oppteljing over forbruk og innkjøp i garnlageret. Har ein tråd på eit anna forum, Norge123, som eg så fint har kalla: Jane slanke garnlageret 2012. Det navnet burde eg ha bytta for lenge sidan, og etter å ha sett halvtårsresultatet så burde det egentlig bare ha blitt forbigått i stillhet!
Jaja, sannhetens time er komt. Så langt i år har eg strikka opp 3762 g med garn. På innkjøpssida har eg derimot vore mykje flittigare. 32450 g, og nei, det er ikkje ein null feil her!  Eg MÅ  jo presisera at nåke faktisk er gaver, sånn kanskje omtrent 700 g.
 Nei skrekk og gru, lure på ka det lageret mitt egentlig er på nå. Det får eg jammen rekna på ein anna gong, trur ikkje helså holde til å vita svaret der!





I tillegg har det blitt veldig lite strikking dei siste dagane, får så alt for lita tid. Stadig nåke mat som må lagast (*KJEDELIG*), klesvask opptil fleire gonger i døgeret, og i tillegg så er eldstejenta ikkje i form så nytt legebesøk var påkrevd i dag. Nå lure di på enten borreliasmitte eller Cøliaki. Får bare håpa dei finne utav det. Stakkars tynna fliså har mista nesten 10% av kroppsvekta på ei veka.





Så til nåke mykje, mykje koseligare! Fekk ein gledelig overraskelse i posten på lørdag. Ein heile neve med nydelige knappar. Og det bare fordi eg hjalp ei strikkesjel med å få sendt noko garn. Så Jenny, tusen, tusen takk for nydelige knappar. Har aldri sett liknande, og dei tek seg ekstremt godt ut i knappeboksen min!

søndag 1. juli 2012

Ein liten kjole..

Så var babykjole nummer 3 ferdig. Eller nesten ferdig. Den er fortsatt fuktig etter å ha fått seg et bad i milovatn, og så må eg sy i ein liten knapp i splitten bak. Ganske fornøyd med denne, eige design og strikka i Baby Alpaca Silk frå Drops. Dette garnet blir fantastisk mjukt og godt, og skulle faktisk strikkast på pinne nummer 3,5 sjølv om garnet er ganske tynt. Blei dermed ganske luftig og mjukt.





Og så har eg brukt opp resten av nøstet med Milk & Honey frå Viking. Starta først på ein klut, men etter nokre omgangar fann eg ut at den vart for brei. Så då var det å rekka opp igjen og starta på ny med 15 masker mindre.




Dermed blei resultatet ein nesten kvadratisk klut, i enkel rillestrikk på pinne 3,5. Garnet blei brukt opp, og ingen restar. Hurra!




I dag har eg lagt opp til ein jakke til meg sjølv, så kunne helst tenkt meg å bare sitta strikka. Men, eg har mast på maen om at me må rydda garasjen, så då bør eg vel kanskje vera med eg og. Fristar ikkje så veldig i det gufna regnet, men det kan vel gjera godt å vera ute litt. Belønninga får vera strikking i godstolen i kveld etter at vetlafrøknå har lagt seg!

Det oppstod en feil i denne gadgeten