torsdag 10. april 2014

Ikkje så Easy...

Av og til så kan dei enklaste tinga gjerast så utruleg vanskeleg. Eg har i alle fall knota og bala veldig med Enkel Vest frå Pickles denne gongen. Ganske utruleg sidan eg har strikka omtrent 20 stykker av den etter kvart. Trudde det berre kunne gå beine vegen når det var Enkel Vest og i garnet Easy...


Men, når eg ikkje hadde strikka med Easy før så var det ikkje så easy å heilt vita kva pinnestørrelse eg skulle bruka. 5, 6 eller kanskje 7?
La opp, strikka to rundar, nei vart for kompakt. Rekka opp att, og prøva med ein pinnestørrelse større..


Nei, då vart det for mange masker, og garnet glei dårleg på metallpinnane. Rekka opp igjen og ta ein størrelse mindre. Ikkje bare bare når ein ikkje kan holda seg til garnet som faktisk er oppgitt i mønsteret..


Hadde fire nøster, og trudde det skulle holda. Det trudde eg heilt til eg var komt til siste fellinga oppe rundt halsen. Då innsåg eg at det var for lite garn. Og sidan eg alt hadde strikka færre omgangar enn eg skulle på bærestykket, så måtte eg ha rekt opp heilt ned til under ermehola for å fått ein normal fasong.


Det gidda eg jo ikkje, Easy var nemlig ikkje så fantastisk å strikka med. Løysinga vart å bruka ein rest (frå ein tidlegare strikka vest) til siste omgang og avfellinga. Skal ikkje påstå at det blei så veldig fint, men viss eg tek igjen det kvite i f.eks knappar og muligens noko brodert mønster...? Ja, då burde det gå gjennom sensuren.


Spent på om dette garnet vert litt mjukare etter vask, det var nemlig ganske stivt og stikkete å strikka med. Litt stålullfeeling på det rett og slett.
Siden eg er lika treg som alltid med å festa trådar og sy i knappar, så drøye det nok litt før ferdigbilde kjem.

1 kommentar:

  1. Vesten blir fin den om du hekler med kontrastfargen i overgangene mellom rillestrikk og glattstrikk opp og videre langs ermet. og bruker knapper i samme farge. Slik har Sandnes gjort det på vest/tunika i hefte1313, enkel strikk. Jeg har laget tunika og har i tillegg heklet i overgangen etter rillestrikken nede. Vurderte å pynte med et tovet hjerte, fikk ideen i Familien, men maskintovinga ble mislykka. Mulig det blir et nytt forsøk, eller bare litt "krussedulle" hekling litt nede på ene siden.
    Liv

    SvarSlett

Det oppstod en feil i denne gadgeten