lørdag 9. november 2013

Komplett kaos og litt galskap

Slow Cooking er vel eit begrep som er viden kjent, og det eg driv med for tida må kallast slow knitting. For her har det ikkje gått mykje på fram gitt! Har fått armane inn på bolen, men det er jo gjort på ein kveld, ikkje ei lita veka som eg har brukt.

Men, eg har blitt litt distrahert. Det er nemlig meir eller mindre fullstendig kaos i heimen for tida. Gangen er under ombygging, både oppe og nede. Vegger er revne ned og satt opp igjen, trappa er vekke, nye dører skal inn og det skal leggast nytt golv. Komplett kaos!


Uten trapp er vi jo litt låst i ein etasje, så løysinga har blitt at eg og jentene bur på eit soverom, mannen er jaga heim til mammo si (Heilt ærleg så trur eg han trivest med det), og dørene inn til dei andre romma er hermetisert med tape for å sleppa få alt støvet og sagsponet inn. Så her er det reine kaotiske hybelfølelsen, vi som er vant med å ha kvart vårt bad og god tumleplass. Terrassedøra fungere som inngansdør, og halve stova er fyllt opp med jakkar og sko. Min organiseringshungrige hjerne lide!


Det versta av alt er vel at motivasjonen til dette kaoset er å få laga ein solid, flott nydeleg garnvegg nede. Garn frå golv til tak, godt plassert bak glasdører. Siden eg antagelig hadde blitt tvangsinnlagt av mannen med bakgrunn i det argumentet, så er den "offisielle" årsaken at eg treng bod under trappa og litt bedre plass til sko og jakkar rett innafor døra. Sannheten er at dersom ikkje det eine rommet nede hadde vore proppa med over 150 kg garn, så hadde eg ikkje trengt ei bod til.

Bilde lånt frå Garnstudio

Men alle med garnmani og ullemi drøyme vel om ein slik vegg? Der hesper og nøster i nydelege fargar verkeleg kan komma til sin rett? *lykke*
Men før den draumen kan gå i oppfyllelse, så blir det i alle fall ei veka til med håndverkerar som vasar inn og ut, sage, banke og male. Og etter det gjenstår nesten noko endå verre, IKEA!

Nå skal eg ta meg i samen og strikka litt!!

2 kommentarer:

  1. Wow blei nesten misunnelig på det garnrommet eg;) Mine kg-vis ligge i poser rundt omkring
    ....føle av og til behov for å "gjemme" nyinnkjøpte nøster;) Misunne de som holde på med ett prosjekt og klare å gjør det ferdig før de kjøpe nytt.. Ellers blir det nok kjempebra når oppussinga e ferdig

    SvarSlett
  2. Så gøy detta blir! Det var min første reaksjon. Tidligere har jeg tenkt; hvor får denna jenta plass til alt detta garnet.
    Lykke til, dette blir flott!

    SvarSlett