lørdag 30. november 2013

Strikka prototype

Nokon har meir dilla på jul enn meg, og startar julegåveutsendinga i slutten av september. Så kven klarar då å halda fingrane av fatet heilt fram til 24. desember? Eg har i alle fall opna, men med givaren sin tillatelse, og oppfordring faktisk.


Zirkona, som tydeligvis er fyllt til randen av gode idear og design, har altså laga denne her til meg! Det versta var jo at ho sendte bilde undervegs, når ho holdt på med mønsterstrikken, og trass i det så skjønte eg lite når eg opna pakken og det låg to små restar av tråd: lillla og kvit. Men kva i all verda ho meinte med at det var eit hint, med to små tråddottar, det fekk eg liksom ikkje til å henga på greip. Jaja, tråddottane la eg i strikkekorga, og julegåva blei lagt vekk. Eg fatta ikkje kor dama ville med dette.
MEN, når eg opna pakken, då skjønte eg det jo... Tippe ho har flira godt når eg, etter kvart ganske frustrert, har mast om kva i all verden dei to trådane skulle bety!



Eg har jo ei mappe til strikkepinnane mine, men her får eg jo også plassert så mykje anna! Det er god plass å festa nåler, maskemarkørar og flettepinnar.


Og i kvar ende er det ein god lomme. Mappa kan også hengast opp etter knappholet.


Den grå innsida er i ullfilt, i følge designaren sjølv er det strikka og tova. Det er nesten vanskeleg å tru, for eg kan ikkje sjå at det er sydd på og det virkar filta, som vadmel. Ytterlegare spesifikasjonar får de ta med designaren, eg skjønnar ikkje opp og ned på dette her, ingen avslørande saumar eller stygg "vrangside" der syndene er skjult:)


Eg gler meg litt ekstra til garnkroken nede er ferdig, då trur eg denne strikkepinnemappa skal få ligge til utstilling. Faktisk er den så mjuk at den nesten kan fungere som pute i stolen. Det må seriøst testast!
Tusen, tusen takk for ein fin og unik presang!

3 kommentarer:

  1. Ja, den dama du, hu kan alt og gjør nydelig arbeid.
    Flott gave fra ei herlig dame, til ei herlig dame.

    SvarSlett
  2. Åh, herlighet så flott et stykke håndarbeid! Jeg tør ikke tenke på hvor lang tid og hvor mye tankevirksomhet som har gjemt seg bak det der. Du er bra heldig som har en slik venn! Den var kjempefin! Nesten så fin at man ikke kan bruke den, men låse den bak en glassmonter. :)

    SvarSlett
  3. Heisan, så flott denne var :) ja denne dama får til det meste, kjempeflott :)

    SvarSlett

Det oppstod en feil i denne gadgeten