Mønsterdiagram

Kom over ei bok som det faktisk var ganske uten betydning at ikkje var på norsk. Den er på engelsk, så eg er jo ikkje heilt hjelpelaus, men har endå ikkje komt meg over dørstokken med engelske mønster.

Men, her er det nesten bare diagram. Side opp og ned og i mente. Perfekt viss ein vil plukke litt for å lage eget design på ting. Synes den var inndelt veldig greit og, lett å finne fram i.

Ei stjerne kan jo vera så mangt, variasjon over tema.
Eg kjøpte boka mi hos ark på nett, men den er sikkert å få tak i andre plasser også.  Ei god investering i alle fall, og nå var jammen boka på tilbud og!

Ny hæl

Det er ein evighet sidan eg strikka desse sokkane. Først har dei lege sånn omtrent 2 mnd i blokkerane, og først nå fekk eg somla meg til å ta bilde av dei. Har nemd dei før, både fordi garnet var så godt å strikka med, og fordi eg skulle testa ut Short Row Heel.

Og om eg ikkje er 100% fornøyd med hælen, så er det godkjent første forsøk. Håpar eg klarar få den enda litt tettare der eg snur på neste forsøk.

Synes denne hælen passar mykje bedre til små babysokkar, og til voksne sokkar som har glattstrikka skaft. Ser ut som passformen kan vera ganske grei og.

Og apropo sokkeblokkerar. Lure på om ikkje postbudet har undra seg litt når desse kom i posten. Dei var nemlig fasongpakka i gråpapir, og såg ut som ein stor julestrømpe.

Eg har laga to par tidlegare. Eit par i str 38 og eit i 27, men nå såg eg at behovet for nokre litt store var der. Greit då å ha Zirkona som frese på Ikea og kjøpe plastunderlag og klippe ut. Så nå kan eg også blokka herresokkar i str 45!

70-tals strikk

Det har komt endå ei ny bok i hyllå mi. Denne har egentlig fått alt for lite omtale syns eg, i forhold til mange andre strikkebøker som ikkje på langt nær er lika spennande.

Som du sikkert skjønne, eg digge denne boka. Stilige modellar frå 70-talet som er i skuddet igjen.

                               Eg lar bildene tala for seg, og rekne med at fleire blir frista!

Eg handla mi bok hos adlibris, og her har det blitt handla fleire strikkebøker i det siste. Ei kjapp samanlikning med andre på nett, som bokkilden, Tanum og ark, vise at adlibris jamt over er rimeligare. Og det sjølv om dei andre også har bøkene på salg.

Så må eg få takka for alle besøk,og ikkje minst koselige kommentarar i sist blogg. Kjekt å sjå at det kom så mykje skryt til montøren også, det var jammen på sin plass!

Perfekt montering

Det blei et litt uventa og langt sjukehusopphold på meg før pinse, så både blogg og pinnar hatt hatt fullstendig ferie. Men, bedre seint enn aldri, kjem dette skryteinnlegget av fiks, ferdig Marius.
Eg måtte ein tur til sjekk på Haukeland, og nytta sjølvsagt anledningen til å utnytta ei av mine gode venninner.

Åshild hadde nemlig sagt seg viljug til å montera Mariusgenseren til naboen. Sidan det var ei bestilling falt ikkje tanken meg inn ein gong, at eg skulle begynna sy og knota sjøl. Her står nemlig argumentene i kø; \¨+0o9i g har hverken lyst eller kunnskap til å sy i armane, og ikkje har eg symaskin heller. Når det er eit bestillingsverk så synes eg det er ekstra viktig at monteringa er prikkfri. Og kva er då lurare enn å gå til ein ekspert i faget?

Så Åshild klippa, sydde og diska opp med lunsj. Betalinga vart to par herresokkar i storleik 45, noko ho hadde lufta tidlegare om eg kunne tenkt meg å strikka. Eit bytte eg gjerne tar for å sei det sånn.

Og genseren blei så fin, eg er utruleg fornøyd. Fargekombinasjonen er lika bra som eg hadde håpa den skulle bli, eg har fått mønsterstrikken jamt. Og monteringa, ja monteringa er perfekt.

Men, eg har ei høna å plukka med dei størrelsane som original Mariusgenser kjem i. Eg har strikka genseren lenger enn den skulle, både på armar og bol, faktisk brukt tre nøster meir enn eg skulle. Likevel er genseren for liten!! Den er litt trang, men aller mest alt for kort. Syns slett ikkje naboen min ser ut som han er større enn XL! Så, alternativet til å jaga naboen på jogging rundt dalen, samt hella i han krympe-eliksir, blir at denna tøttå må strikka ein ny genser. Ikkje heilt motivert ratt endå, men eg skal snart tenka på å bestilla nytt garn i det minste...

Handelslekkasje og halv pris på garn

Eg er litt treeeeeg med blogginga for tida. Heldigvis ingen krise, men sånne oppturar som denne fredagen er verdt å dela.
Vetlaløo i Odda hadde opent, og når det plutseleg passa for både Linda, Monica, meg og Sølvi- ja då var det berre å dura gjennom tunellen.
Så lenge me ikkje har nokon skikkeleg garnbutikk her i kommunen, så vert det litt handelslekkasje både til Odda og Stord, og alle tre garnbutikkane i Odda fekk gleden av besøk denne dagen.

 

Men den koseligaste stunda vart utan tvil på Vetlaløo. Alle hadde spøt med, me koste oss med te og kaffi og timane flaug. Kundar kom og gjekk, men me fant verkeleg roen i den lune garnløa.
Eg anbefalar alle strikkeklubbar, venninnegjengar eller andre spøteglade å ta turen. Her kan det verkeleg spøtast i idylliske omgivelsar.
Linda har og blogga om turen, det kan du lesa om HER!

Og eg hadde utan tvil teke ein ny tur til Vetlaløo i går, om det ikkje var for at eg var i Bergen. Det var nemlig halv pris på alt garn i heile butikken!! Altså sånne tilbud likar me. Har lova meg sjøl at neste gong, DÅ må eg få det med meg!
Hjelpe litt når eg skrur på dataen nå i kveld og ser at Strikkinnom har halv pris på alt i nettbutikken fram til midnatt! Her er det bare å hiva seg rundt og sjå om ein ikkje kan få tak i nåken godbitar som f.eks Cascade...

Knappar i stein

For ei tid tilbake så kom det nåken kjempefine steinknappar over fjellet. Og knappar er jo alltid viktig på strikkeplagg. Både farge og fasong må passa, og helst framheva plagget. Og til ting som skal vaskast ofte, må ein ha knappar som tåle ein runde og 32 i vaskemaskinen.

Ingenting er vel så holdbart som stein. Klare du få dei til å flassa eller bli utvaska er du jammen god! Og det fins vel ikkje mykje som er lika fint som norsk "gråstein". Utruleg fargespel, slipte så dei er så glatte som porselen. Og det fins mykje meir å velgja i enn dei eg har her. Men som du ser er ikkje gråstein bare grå.

Mine knappar har lege ei stund, og dei skal få ligga litt til. Desse må nemlig brukast på plagg som skal vera til meg sjølv, og noko tidlaust som skal vara over tid. I tillegg så må det jo vera eit strikkeprosjekt som får knappane fram.
Eit perfekt prosjekt til sånne steinknappar er til dømes denne jakka her. Jakka framhevar knappane, og knappane gjer jakka i særklasse.  Jakken er strikka, og bildet utlånt, av Zirkona. Dei fleste skjønte nok at dette prosjektet (for vidarekomne) ikkje var trylla fram av meg!

Men, det viktigaste av alt, damen som kunstferdig skapar desse knappane. Ho heiter Anne Britt Berntzen og kan nåast på denne e-postadressen: a-b-btz@online.no. Dessverre har ho ikkje nettbutikk, men eg veit i alle fall to stader du kan treffa på ho i sommar. Den første er faktisk i morgo, på Torgdagen til Hillesvåg Ullvarefabrikk. Så er du på dei trakter så bør du absolutt vurdera ein tur innom, både for knappane og garnet sin del.
Den andre staden ho pleier vera er Eidsfoss i siste delen av juli. Her er det lite garn, men MYKJE stein.
Og viss du lure på pris, så variere det litt frå knapp til knapp omtrent. Men dei kostar ikkje meir enn ein middels stor treknapp!

Lykke kjem i metervis

På veg heim frå turen til Ose stoppa eg som snarast i Odda. Det var egentlig ikkje planen, skulle kjapt heim til ventande barn. Meeeen, nokon satte meg på tanken, og eg legg all skuld på Herr. Zirkona. Han kom nemlig med kommentaren, då eg tok ut frå Bykle ganske tidleg på morgonen; Ho skal sikkert nå garnbutikken i Odda.

Det var slett ikkje planlagt, men når eg kom til Odda så tenkte eg liksom litt sånn jaja, koffer ikkje? Er jo Dropssalg, så eg svinga innom. Og den einaste butikken i Odda som har Drops er den rotete saken som eg har besøkt før! Og den var like rotete, mesteparten av garnet i plast på golvet. Var rett før eg spurte om eg kunne få lov å rydda litt...
Men, det hindra jo ikkje denne skrotten i å kjøpa seg litt lykke garn.

Hang ein genser rett ved kassen. Nydelig, litt grovstrikka sak som var strikka fritt etter ein genser i DIY heftet. Damen kunne svara på kva garn den var strikka av, men ikkje kor mange nøster som var brukt. Kjenne at akkurat det irriterte meg litt. For kva er vitsen med å ha den utstilt viss du ikkje kan opplysa om kor mykje garn ein treng for å laga ein lik.

Garnet som var brukt var i alle fall Cotton Viscose frå Drops, og et mohairgarn med glitter som eg aldri har hørt om. Kombinasjonen var i alle fall kjempefin, og gav ikkje ei "hårete" overflate til tross for mohairen. (Dessverre intet bilde å visa til)
Mohairgarnet fekk bli med heim, og med 222 meter på kvart nøste så konkluderte eg med at 4 stk holde nesten til kva genser som helst.
(Veldig glad eg er ferdig med prosjekt garnrekneskap, hadde vore alarmerande tal for denna månaden!)