Eg sveipa som snarast innom håndarbeidskategorien på www.finn.no og kom over desse her. Anar ikkje kor lenge annonsa hadde lege ute, men heftene var i alle fall ikkje solgt. Eit par hundrelappar, pluss det ranet posten driv med for å frakta sakene til oss, og så hadde eg postkassen full i god lektyre.
Mønstrane ligg i plastlommar og ser ubrukte ut. Heile og fine, og lett å bla i. Eg vil tippa at desse kom ut på slutten av 70-talet, og sjølv om dei er på svensk så trur eg at eg skal klara stava meg gjennom.
Det blei jo laga ein del snålt i denne tidsepoken, men jammen var det mykje fint her. Som dåke ser så er ikkje Skappel-genseren ei heilt ny oppfinning, det er laga mykje i same stil tidlegare.
Og enkelte ting er jo ganske tidlause og klassiske.
Synes absolutt at denne svenske samlinga høyre heima i mine mønsterhyller. Sjeldan at ein finn brukte ting som ser så strøkne ut, føle meg ganske så heldig.
Jula er ein dag nærmare, og viss nåken treng ei lita oppmuntring i julestria, så kan eg fortelja at Sparkjøp har salg på garn! Her er det bare å slå til, og sikra seg eit lager til januarkulda slår inn!
Ingen kommentarer:
Legg inn en kommentar