søndag 28. juli 2013

Garnsafari - del 2

Sjølv om det blei langt på natt før strikkepinnane fekk kvila, starta me på dag to av husmorferien raske og utkvilte. Faktisk meir utsulta på strikking enn mat, så det blei ei maska og tre før frokost.


Strålande ver var det, og me pakka våre legemer i bilen for å kjøra til første stopp: Haukeli! Her hadde eg tidlegare observert ein garnbutikk, den gongen var den stengt, men i dag hadde vi forsikra oss i forkant angåande opningstidene.


Aamyri Systoge gav ikkje eit veldig imponerande inntrykk i det me entra dørstokken... Men det tok seg raskt opp.



Eg kom nemlig bort til eit bord der det akkurat blei lagt fram ein god del med eldre oppskrifter! Juhuuuu, snakk om flaks! 5 kroner oppskrifta og mønstrane var i veldig god stand.


Her var det fleire eg ikkje hadde, så eit lite knippe måtte nesten få vera med tilbake til Uskedalen.


Garnutvalget var ikkje det mest spennande, men ein og anna godbit var det jo. I tillegg til garn var det litt ferdige håndarbeidsprodukt, sysaker og knappar.

Nålefilta ku - fantastisk skapning!




To håndlaga knappar med hjerteform ropte på meg når eg prøvde gå forbi, så dei må eg finna eit passande prosjekt til.


Fin på tilbud er fint, så eg kjøpte fire nøster. Ellers klarte eg faktisk å begrensa meg ganske godt. Til meg å vera...


Linda fant og ein og annan godbit som var verdt og kjøpa med seg, men ho var måtehalden som alltid.


Så suste vi vidare nedover i Telemark, og neste stopp på vår Garnsafari var Åmot. Som dåke sikkert huske hadde eg ein aldri så liten bomtur der tidlegare i år, det kan du lesa om her!
Både Sølvi og Linda hadde mange lovord å sei om denne butikken, så forventningane var store då me nærma oss døra.


Og skuffelsen desto større.. For et rotehol! Her var det litt garn hist og her, stort sett i plastposar, og heilt utav system. Innimellom garn og litt sysaker var det masse sengetøy, dukar og vaskefiller, og ikkje minst oppskrifter. Ingen bilder tatt her inne, eg orka ikkje prøva finna eit fint garnmotiv. Dåke får klara dåke med mi levande skildring av rotet!


Men, eg handla tre ting her: Ein boks sikkerhetsnåler, knappar og eit hefte med Selbumønster. (Kjøpte faktisk nåken vaskefiller og, men det passa så dårleg inn i ein strikkeblogg:))


Som dåke skjønne, det er mykje gale med butikken når Jane ikkje kjøpe garn! Andre hadde sikkert funne litt, men i hovedsak var det Raumagarn, og det er ikkje min favoritt.


Jaja, litt molefonkne og slukøyra tusla me oss ned til lunsj. Og humøret til Linda steig betrakteleg når ho fekk sin eigen brus!


 
Med god mat i magen vende me nasen mot Vågsli att, klare for ei lang og god strikkeøkt. Fjernsynet var faktisk ikkje på heile kvelden, me prata, strikka, lo og fjaste. Ein liten luftetur bort skitrekket til Gamlestøyl var me også på.



Og etter lufteturen var det sjølvsagt klart for meir tedrikking, skravling og strikking. Slik ser krativitet og strikkeglede ut i praksis!



Så var Husmorferien vår over for denne gong. Etter ein god frokost og strikking i sola var det bare å pakka pinnar og garn i bilen og kjøra over fjellet igjen. Tusen takk for reisefølget Linda, og tusen takk for den smashing koppen - som faktisk var det beste kjøpet i Åmot!



2 kommentarer:

  1. Koselig å lese om ferien deres. På Haukeli er jeg som regel innom når vi drar østover, finner som regel noe. Butikken på Åmot , der deler jeg dine beskrivelser. Var innom en gang og gikk tomhendt ut.
    Mange fine oppskrifter du fikk med hjem og Fin er jo så flott og godt både å strikke og hekle av.

    SvarSlett
  2. Er ikke et øyeblikk i tvil om at dere har hatt en kjempekoselig tur!
    Veldig synd at butikken i Åmot har tapt seg sånn med tanke på garn...
    Men Selbustrikk-heftet er i alle fall knallbra. Jeg kjøpte et slikt hefte da jeg var i Åmot ;) ...og har hatt stor glede av det!

    SvarSlett