Jakten på det rette prosjekt

Det var ein gong, for lenge, lenge sidan at det kom eit rosa nøste i posten. Faktisk så var det ikkje eit nøste, men ein hespe.....
Ja, det er plutselig blitt ganske lenge sidan, over eit år, at nettbutikken Tibialia gav bort smaksprøvar på garnet sitt. Vi var fleire som fekk garn, mot at vi skulle blogga det ferdigstrikka resultatet.

Men så langt har det ikkje blitt nokon blogg frå mi side. Nøstet ligg framleis ganske så urørt i korga si. Og årsaken er rett og slett at eg ikkje har funne det perfekte prosjekt til 100 gram med knall rosa tråd. Det fins ganske mange fine rosanyansar, men denne er ikkje ein av dei.

Kriteriet for å vera den perfekte oppskrift er også ganske mange. Det må ikkje gå med meir enn 100 gram garn, og eg vil heller ikkje sitta igjen med for mykje restar. Og så må det jo vera noko som med verdighet kan kle å vera knall rosa.
Enn så lenge fortsette eg jakten, men eg kjenne litt på at klokka tikke på dette prosjektet.
Og for dei som vil sjekka ut nettbutikken så har dei ganske mykje fint garn frå Lornas Lace.

Eg har også fått ferdig et par med babybooties i alpakka. Eg ende som regel opp med enten sånne, klutar eller raggsokkar når eg ikkje heilt klare bestemma meg for kva anna eg skal strikka. Og så angre eg alltid når eg er halvvegs, for då har eg komt over andre ting som eg mykje heller vil strikka.
Men no er desse ferdige, til og med festa trådar og fått seg ein runde i milovatn.