Ikkje tomhendt

Det vart jammen litt meir garnhandling på Bergensturen enn dei hespane på Hillesvåg. For på veg ut mot fabrikkutsalget kjører vi gjennom Knarvik, og kva skuer mitt auge her..? Jo, garnbutikkar - ein på kvar side av vegen! Lovely!!

Første stopp var Knarvik Stoff og Søm. Her hadde eg sett korger med garn på utsida, så eg visste at det var håp om mjuke nøster til tross for butikknavnet.

Kjekk butikk, stort sett med garn frå Viking og SMC. Og stoffutvalget her imponerte til og med meg.
Til tross for at eg ikkje ein gong kan tre ei symaskin, så kjøpte eg stoff her.... Mulig det var det fine mønsteret som fanga meg:)

Tre hespar med Balder, som var på salg, fekk vera med i posen. Dette garnet har eg brukt i vestar før, og eg meinar å huska at det var veldig godt å strikka av.

Så bar det over vegen, der venta meir garn. Trang butikk der eg nesten følte eg gjekk i vegen for betjeninga når eg gjekk og kikka, så gjorde meg kjapt ferdig.

                              Rakk likevel å triva med meg ein del garn  - først litt Alfa......

Og så har Sandnesgarn komt med nytt garn, Merinoull, og med dei fristande fargane så kunne eg ikkje gå forbi. Dyrt, men veldig, veldig mjukt.

 Og så var det ein nøste med blandingsgarn, bomull/lin frå SMC, som såg litt artig ut. Eit kompakt 100grams nøste skal holda til denne lua som er vist på banderolen. Sjansen for at dette nøstet like godt blir klutar, er ganske stor.

Husmorferie del 2

Etter litt lading av både håve og snakketøy var vi klar for ein ny dag. I dag skulle vi ha ein runde på Oleana, der Dagfrid jobbar.

Lyse og fine lokaler, og her blir det ferdiggjort mange fine plagg. Ganske spennande å få ein kikk på litt av prosessen.

Og sjølv om dette slett ikkje er min stil, så ser eg jo at det er flotte plagg som blir sendt ut gjennom døra. Trur eg er 20 år for ung til å ikle meg desse blomstrete jakkane.

Alle modellane som er laga ligg samla her, ein utgåve av kvar. Artig måte å visa strikkehistorien på.

Og så måtte eg jo kikka på desse gamle vottane som låg utstilt...

                                                        Spreke damer på sprek sofa..

Gjengen suste så vidare til Hillesvåg Ullvarefabrikk, og dette var verkeleg ein høydare. Og ein skjønne at noko bra er i vente med slik utandørs dekor....

For nokon med langt framskreden ullemi, så var dette eit eldorado. Eg har lite kjennskap til garn frå Hillesvåg, så det var godt vi hadde ein liten gjennomgang kvelden før.

Me fekk også fantastisk service, og her følte ein verkeleg at betjeninga sprang beina av seg for deg.

Men, til tross for at eg nesten drukna i fargerikt garn frå golv til tak, så klarte eg å begrensa meg. Mykje av grunnen er nok at sånn stikkeull ikkje er min favoritt. Heilt tomhendt forlot eg då likevel ikkje butikken...

 

Eg anbefalar alle strikkeglade eller garngale ein tur på Hillesvåg - vel verdt turen!!!

Husmorferie

Utruleg kor mykje eit døger med husmorferie kan inneholda. Time på Haukeland, strikkelunsj, garnbutikkar og besøk på spinneri, berre for å nevna nåke.
Etter ein lynrask tur innom Haukeland bar det i veg til Sølvi på Strikkelunsj. Bare så vidt me rakk å eta, snakketøyet gjekk med turbofart. Ikkje rart når alle har så fremskreden ullemi og strikkedilla. Her fekk eg også tid å prata litt med Rigmor som hadde tatt turen frå Trøndelag, snakk om alle tiders dama!

På veg til Os, der både eg og Rigmor skulle innlosjerast hos Åshild, stoppa me innom garnbutikken. Eg hugsa ikkje å ta med kamera, men kanskje nokon lokalkjende kan hjelpa både med butikknavn og eventuelt nettside om dei har.
Det var ein koseleg, men ganske trang butikk, og ikkje overraskande så klarte eg ikkje å komma meg heilt tomhendt ut derifra.

Cotinga frå Dale, upløyd mark for meg. Men denne nydelige grønfargen låg i hylla og ropte ganske intenst. Litt usikker på kva eg skal bruka dei til, men det er jo aldri nokon forutsetning for at eg skal kjøpa garn. Eg MÅ ikkje vita kva eg skal bruka det til.

Hegre, også frå Dale, må jo funka fint til desse vestane mine vil eg tru. Synes sånne duse, naturlege fargar er så fint. Då kan eg spela meg litt med ulike knappar.

Mens eg stod å venta på å bli ekspedert i kassen, gjekk blikket mitt mot desse nydelige blå nøsta. Sokkegarn med silke i, mjukt som bare juling, og den gråblå fargen er fantastisk. Dei berre MÅTTE vera med meg til Uskedalen.

Så var det klart for ein privat strikkeaften, og Åshild diska opp. Alle hadde med både strikketøy og snakketøy, og den stakkars mannen til vertinna måtte rømma ut i bobilen for å få litt fred. Ein kan jo sjølv tenka seg kakleriet når seks strikkeglade og garngale damer skal anmelda ulike strikketeknikkar og garntypar....

Men denne kvelden er i alle fall eit godt bevis på at hverken alder eller geografi har noko som helst å bety for god stemning og gode vennskap. 

Tornado?

Her ser det meir eller mindre ut som ein tornado har herja. Men det er faktisk ikkje verre enn at eg skulle finna meg strikketøy til å ha med på Haukelandsturen sist fredag. Var litt knapp tid, så rydding blei ikkje prioritert... I løpet av omtrent 18 sekund såg det ut som eit katastrofeområde...

Men sånn blir det liksom uansett med jamne mellomrom. Trur den stadige tilførselen av nytt garn og nye oppskriftshefter/bøker kanskje er ein medvirkande årsak...

Heldigvis klare eg av og til å ta meg sjøl i nakken å gjera nåke med kaoset. For sånn skal det egentlig sjå ut...

Kjøpte meg forresten ein ny rundpinne her for litt siden... Et merke eg aldri har hørt om, men dei var ekstremt gode å strikka med. I alle fall til å vera metallpinnar. Eg har kun sluppe addi-pinnar gjennom sensuren når det gjeld metall, men desse var faktisk like gode.

Påfyll av gamle skattar

Som med garn kan ein aldri få nok av strikkeoppskrifter. Ekstra kjekt er det med sånne gamle skattar som ikkje er i salg lenger.

 

Kofter har jo fått ein ny vår, og her fins det mange staselege plagg å velga i. For dei som er hekta på kofter så kan eg anbefala Koftegruppa på Facebook. Ei fantastisk gruppe!!!

 

Ut i frå dette bildet kan me vel trekka den konklusjonen at folk blei glade av garn også på førti og femtitalet.

Har faktisk bestilt egne hyller til å ha i garnkroken min, der eg kun skal ha gamle mønsterhefter. Må innrømma at eg har mista litt oversikten over ka eg har av hefter trykka før 1970, så gler meg til å få rydda i kaoset.

Stolen til strikkekroken kjem på fredag, og då nærmar det seg jammen målstreken med prosjekt garnvegg/strikkekrok! Bilde kjem!

Takk!

Ser plutselig at besøkstalet her på bloggen min har runda 100.000, med god margin. WOW!! Det hadde eg ærleg talt aldri trudd. At mitt uhøgtidelige skribleri om garn og spøt skulle få så mykje oppmerksomhet i den jungelen med flotte og proffe strikkebloggar som fins, ganske fantastisk. Så eit uendeleg stort takk til alle dåke garngale, strikkeglade og ullemiske sjeler der ute, som svinsar innom. Håpar eg på eit eller anna tidspunkt kunne inspirera til å prøva eit nytt garn, ein ny nettbutikk eller ein ny oppskrift. Det var neml
ig heile hensikten! Og så ser eg jo at for min egen del så har det vore veldig greit å kunna gå tilbake for å sjå kva garn eg brukte på det, eller kva pinnestørrelse som gjorde seg best då osv.

Men det blir jo aldri så mykje strikking som ein skulle ønska, i alle fall gjeld det her i huset. Klare ikkje finna roen viss eg har ting hengande over meg som burde vore gjort. Nyttar ikkje å sitta å strikka mens hybelkaninane formeire seg med lynets hastighet, og haugen med skittentøy veks til skrekkinngytande fjellkjeder. Men, det har nå blitt et par sokkar denne veka.

Til bursdagen min i fjor fekk eg to nøster Alpakka Strømpegarn frå Sandnes. Nå skulle dei mjuke nøstene endeleg testast. Og bedre garn har eg aldri strikka sokkar av. Så utruleg mjukt, og sjølv om det er alpakka så røyta det ikkje så ille som ein del anna alpakka.

Eg hadde jo håpa at to nøster skulle holda til eit par damesokkar i str 40, men eg strikkar leggen såpass lang at det gjekk ikkje. Eg måtte til med eit tredje nøste, og det var sjølvsagt ikkje samme innfargingsparti. For å unngå at det skulle bli fargeforskjell strikka eg leggen på sokk nummer to med annankvar runde av kvart nøste. Blir jo mikroskopiske trådskifter som viser der ein bytter tråd, men det får stå sin prøve. Sikkert bare ultrahyperpirkete meg som legg merke til det. Det har i alle fall ingenting å sei for funksjonalitet eller passform, og i bruk vil det jo ikkje visa inni vrangborden.

Sokkane blei i alle fall kjempemjuke, og dette garnet kjem eg til å prøva igjen. Spent på korleis slitestyrken er, og om dei blir veldig glatte i bruk.
To par sokkar er i alle fall på veg til Sauda, så får me håpa dei varmar godt både gjennom denne og neste vinter!

Ikkje død...

Eg er ikkje død, viss nåken lurte.. eller håpte. Har bare vore fullstendig i dvale, og ser med skrekk at det er over ei veke sidan sist blogginnlegg.
Ikkje at det har vore så overveldande mykje strikking å visa fram. Det blir nemlig strikka minimalt når ein er i dvale.

Men eg har då gjort ferdig nåken sokkar. Ola Raggegarn har blitt testa ut, og det får absolutt ståkarakter. Eit av dei mjukare "hampgarna" eg har strikka med. Dette kan eg godt kjøpa meir av neste gong eg er innom Obs.

Påfuglribb vise godt på det lyse garnet, og er veldig dekorativt til tross for at det er superenkelt. For dei som trenge ei påminning korleis ein strikkar påfuglribb, så kjem den her:

Masketalet må vera deleleg med 5, og rapporten går over 4 omgangar.
1. Tre rett - to vrang, gjenta ut pinnen
2. Ta første maske laus av, strikk to rett, løft den lause maska over dei to strikka rettmaskene, to vrang - gjenta ut pinnen.
3. Ein rett, kast, ein rett, to vrang - gjenta pinnen ut.
4. Tre rett - to vrang, gjenta ut pinnen.

Så begynner du frå starten att med første rapport.

Treng du garn anbefalar eg alle å gå inn HER. Eg veit i alle fall at det må ein leveranse til Uskedalen herfrå!