Gamle mønsterhefter

Her om dagen dukka det opp ein overraskande liten pakke i posten. Ein litt tjukk, brun konvolutt låg og venta på meg, og eg kunne jo ikkje skjøna kva det var. Hadde jo ikkje bestilt nåke, ikkje utenom garn i alle fall, og garn var det ikkje. Måtte jo åpna med ein gong eg kom inn, og gleda var stor når det ramla ut ein heil haug med gamle strikkemønster.

 Sånne kjekke bilag som har vore med vekebladene på 80-talet. Måtte flira når eg såg dei rosa mohairgenserane med lysegule og mintgrøne striper, og ikkje minst puffermar og skulderputer. Skal sjå at me alt er på god veg mot ein sånn trend igjen, Skappelgenseren er første steget på vegen:)
Tusen, tusen takk Tone-Lill, for at du tenkte på meg når du rydda!

Bambuskluten som eg ikkje kom i mål med på skikkelig vis blei fullført i dag. Skulle jo hatt kvite striper heile vegen, men dei stoppa brått sånn midt på, så blei resten sandfarga. Klut vart det okkesom.

Ein ny variant av Enkel Vest frå Pickles.no har og sett dagens lys. Denne gongen i Highlander frå Drops (utgått). Sjølv om vesten er i størrelse 4-6 år så veg den ikkje meir enn i underkant av 150 gram, veldig lett og god.
Har lagt den til i eplabutikken min, så nå har det i alle fall komt litt påfyll der.